Rhagarweiniad i NHS Jobs

NHS Jobs yw'r gwasanaeth recriwtio ar lein un pwrpas ar gyfer y GIG. Mae mwyafrif helaeth swyddi gweigion y GIG yn cael eu hysbysebu ar y wefan - tuag 20,000 bob mis. Felly os ydych yn chwilio am yrfa yn y GIG - neu os ydych eisoes yn gweithio o'i fewn ond yn ystyried newid swydd - dylech droi at y safle hwn yn gyntaf.

Unwaith y byddwch wedi cofrestru, gallwch chwilio a gwneud cais ar lein am swyddi yn y GIG yn gyflym, a manteisio ar lawer o nodweddion eraill, gan gynnwys 'swyddi trwy e-bost' sy'n golygu y byddwn yn anfon e-bost atoch yn awtomatig gydag unrhyw swyddi gweigion y gallech fod â diddordeb ynddynt. Gallwch gadw manylion swyddi a cheisiadau - a chadw golwg ar eich cynnydd gydag unrhyw swyddi gweigion ar lein.

"NHS Jobs yw'r ffordd gyflymaf ar lein o weld y swyddi gweigion diweddaraf o fewn y gwasanaeth iechyd. Gyda'i gysylltiadau agos â NHS Careers, mae'r holl wybodaeth angenrheidiol ynghylch gweithio i'r GIG ar gael ar flaenau eich bysedd, o lwybrau gyrfa at fanylion cyflogwyr, o chwilio am swyddi newydd at edrych ar gynnydd eich cais."
Amanda Berzins, Rheolwr Datblygu Adnoddau Dynol, Ysbyty Great Ormond Street

Y pethau pwysicaf yn gyntaf: mae angen i chi sefydlu cyfrif gyda NHS Jobs

I sefydlu eich cyfrif, cliciwch ar fotwm Cofrestru eich manylion. Llenwch eich enw, cyfeiriad ac e-bost; dewiswch gyfrinair sy'n hawdd ei gofio, ond sy'n anodd i eraill ei ddyfalu; a chliciwch ar 'creu' i sefydlu eich cyfrif. Pryd bynnag y byddwch yn dod yn ôl i'r safle, byddwch yn mewngofnodi gan ddefnyddio eich cyfeiriad e-bost ar gyfer eich enw defnyddiwr a'ch cyfrinair.

Mae'n hawdd chwilio am swyddi

Os ydych eisoes yn gwybod am ba fath o swydd rydych yn chwilio o fewn y GIG, gallwch ddechrau chwilio am swyddi gweigion ar unwaith. Gallwch wneud hynny mewn tair prif ffordd:

  1. Defnyddiwch chwilio cyflym ar y dudalen hafan - teipiwch allweddair, lleoliad neu gyflog a bydd yn dangos unrhyw swyddi perthnasol.
  2. Os ydych eisiau bod yn fwy penodol ynghylch y math o swydd rydych yn chwilio amdani, defnyddiwch chwilio manwl. Mae hyn yn gadael i chi chwilio am swyddi yn ôl teitl swydd, sgiliau a phrofiad, cyflogwr, gr?p staff, lleoliad, cyflog a math o swydd.
  3. Chwiliwch am swyddi o fewn swyddi penodol, er enghraifft Nyrsio a Bydwreigiaeth.

Cofiwch, os ydych eisiau cael gwybod mwy am y llu o wahanol swyddi sydd ar gael o fewn y GIG - gan gynnwys gwybodaeth fel tâl a buddion, a'r sgiliau sy'n angenrheidiol ar gyfer swyddi penodol - mae digonedd o wybodaeth ddefnyddiol ar wefan NHS Careers.

Byddwn yn anfon Swyddi drwy e-bost neu'n rhoi gwybod y diweddaraf trwy RSS

Bydd swyddi gweigion newydd yn cael eu hychwanegu at NHS Jobs drwy'r adeg. Fe allwch chi fod ymysg y cyntaf i'w gweld trwy drefnu i gael Swyddi trwy e-bost. Yn syml iawn, dewiswch eich meini prawf chwilio (yn ôl teitl swydd, allweddeiriau, cyflog a lleoliad) a byddwn yn e-bostio manylion swyddi gweigion pryd bynnag y byddant yn ymddangos ar y safle.

Gallwn roi gwybod i chi trwy RSS hefyd pan fydd swyddi gweigion newydd yn cael eu hychwanegu, petai'n well gennych.

Pethau defnyddiol eraill

Fy masged swyddi.
Os byddwch yn dod o hyd i swydd y mae gennych ddiddordeb ynddi, neu os ydych eisiau dod yn ôl ac edrych ar swyddi gweigion penodol eraill yn ddiweddarach, gallwch eu cadw yn eich basged swyddi.
Fy ngheisiadau.
Unwaith y byddwch wedi dod o hyd i swydd rydych eisiau gwneud cais amdani, gallwch lenwi eich cais ar lein. Unwaith y byddwch wedi anfon o leiaf un cais, gallwch gadw manylion eich cais unrhyw bryd er mwyn dychwelyd atynt yn ddiweddarach. Gallwch ailddefnyddio'r un ffurflen yn sail ar gyfer swyddi eraill rydych eisiau gwneud cais amdanynt - cofiwch deilwra'r wybodaeth ar gyfer pob swydd newydd.
Fy mhroffiliau.
Ar gyfer rhai grwpiau staff proffesiynol, erbyn hyn gall cyflogwyr y GIG chwilio am ymgeiswyr ar NHS Jobs, gweld proffiliau pobl sy'n chwilio am swyddi a gwahodd pobl i wneud cais ar lein. Y cyfan sydd angen i chi ei wneud yw cofrestru eich diddordeb mewn maes gwaith perthnasol neu fath o swydd ar dudalen 'fy mhroffiliau'. Bydd hyn yn cadw eich proffil ar gyfer y maes hwnnw ac yna bydd cyflogwyr sydd ag unrhyw swyddi gweigion perthnasol yn gallu gweld eich manylion. Yna byddwch yn derbyn e-bost os cewch eich gwahodd i wneud cais am swydd benodol.
Fy nghyfweliadau.
Cofiwch edrych ar eich e-bost yn rheolaidd, gan y bydd unrhyw wahoddiadau i gyfweliad yn cael eu hanfon atoch trwy e-bost. Os na fyddwch wedi derbyn ymateb o fewn tair wythnos, dylech gymryd yn ganiataol bod eich cais wedi bod yn aflwyddiannus - a gallwch barhau i chwilio am swyddi eraill.
Adnoddau hyblyg.
Os oes gennych ddiddordeb mewn swyddi gweithredol neu reoli dros dro yn y GIG, mae yna wasanaeth un pwrpas - NHS Flexible Resourcing - ble gallwch gofrestru eich diddordeb.
Swyddi gweithredol.
Os ydych yn chwilio am swyddi ar lefel cyfarwyddwr neu swyddi gweithredol o fewn y GIG, gallwch fynd yn syth at y swyddi hynny a gwneud cais am unrhyw rai y mae gennych ddiddordeb ynddynt.

Gobeithio erbyn hyn fod gennych syniad eithaf da o sut mae NHS Jobs yn gweithio. Unwaith y byddwch wedi cofrestru, edrychwch ar y safle a dod yn gyfarwydd â gwahanol rannau ohono. Os oes gennych unrhyw gwestiynau am sut i ddefnyddio NHS Jobs, mae'n eithaf tebygol y bydd yr ateb i'w gael yn yr adran cwestiynau cyffredin. Hefyd, gallwch anfon e-bost at ein desg gymorth unrhyw adeg gydag unrhyw gwestiynau technegol, a chofiwch, mae digonedd o wybodaeth ychwanegol am y llwybrau gyrfa o fewn y GIG i'w chael ar wefan NHS Careers.

Efallai yr hoffech ddarllen ein herthyglau ar 'Gwneud ceisiadau llwyddiannus' a 'Cadw eich gwybodaeth yn ddiogel'.